有無見/聽過一d入咗傳統名校讀而勁後悔嘅case?

happyhome2009

係咩原因後悔呢？  

諗緊幫唔幫小朋友報傳統名校好？

如幸運入到，怕唔知會唔會讀得好吃力，變咗中下游位置，因只讀普通官津小學。

定地區名校算呢? 好掙扎!

02413124

其實我都曾經struggled呢個問題，講真各有利弊。所以最後叫小朋友自己簡，讀既係佢，後悔都唔會怨你。不過我有提醒佢怕自己後悔就俾心機裝備自己，要後悔都有多些機會。番左3個月，我都有諗過會唔會讀另一間直資/地區學校更好或更差，小朋友雖然有評論過某老師（但我提醒每間都有機會遇到）亦有讚過老師，不過佢自己就話讀得開心。

creambun

一些地區名校的DSE 成績比傳統名校更好，所以入讀地區名校未必比傳統名校輕鬆。

WinnieCatCat

happyhome2009 發表於 20-12-12 22:45
係咩原因後悔呢？  

諗緊幫唔幫小朋友報傳統名校好？

聽過有後悔入了某傳統名女校的，因發現學習上好多嘢要自己攪掂，老師唔會樣樣講得清清楚楚，難聽d講係覺得老師唔教書靠自學。不過這其實是傳統名校的特點，重視學生自主學習，唔會所有嘢都教過做過才考。所以要考慮的，是怎樣的學習模式適合子女，子女一向是否喜歡自己搵資料搵答案？定係較習慣把老師所教的溫熟晒而考得好？

02413124

creambun 發表於 20-12-12 23:17
一些地區名校的DSE 成績比傳統名校更好，所以入讀地區名校未必比傳統名校輕鬆。
...

我覺得地區名校先操得勁
傳統名校其實就電兔效應

02413124

WinnieCatCat 發表於 20-12-12 23:19
聽過有後悔入了某傳統名女校的，因發現學習上好多嘢要自己攪掂，老師唔會樣樣講得清清楚楚，難聽d講係覺得 ...

某傳統名女校我都聽過類似
不過其他傳統名校都聽過（直資有，官津都有）

triceramum

happyhome2009 發表於 20-12-12 22:45
係咩原因後悔呢？  

諗緊幫唔幫小朋友報傳統名校好？

有，神校，入左去點讀都係中遊唔同小學咁年年級頭，再加上青春期好注意人點睇自己（佢身型肥，由細到大最叻係讀書點知連讀書都變咗唔係強項），結果搞到抑鬱症⋯

sunnymama2

triceramum 發表於 20-12-12 23:56
有，神校，入左去點讀都係中遊唔同小學咁年年級頭，再加上青春期好注意人點睇自己（佢身型肥，由細到大最叻 ...

no offend, 入得神校都係叻女，點解唔識得調節自己的心態期望？佢唔係認為普通學校級頭一定＝神校級頭？
好多神校級頭的中游已叻過其他學校的級頭了！

asweetmom

怕輸去甚麽學校都可能後悔，要知道天外有天。

YmOra

happyhome2009 發表於 20-12-12 22:45
係咩原因後悔呢？  

諗緊幫唔幫小朋友報傳統名校好？

若然成績屬中下游不一定係差，最重要係無跌出該傳統名校的入Ｕ百份比之外，就可以証明孩子仍然適合讀。如果，孩子屬"自主學習"性強又是Ｂ１ａ靠向上成績嘅話，讀傳統名校係ＯＫ的，相反，屬Ｂ１ａ正正位置，或是屬Ｂ１ａ靠向下位置嘅要响傳統名校讀又性格不配合，會是讀得十分辛苦。ｊｍ個囡囡屬Ｂ１ａ成績，自主性屬中間左右，孩子要用好大的力氣才可以保持住那份"自主性"處於常高狀態，成績才保持得住，大家都認為孩子是"性格"不能配合傳統名校的學習模式而至。後來，轉到別區的地區名校，女孩子感覺輕鬆很多，"主動學習"可大大降低沒咁大壓力，"跟著走"，跟著地區名校為學生準備好的"步伐"走感覺係輕鬆的，表現亦會提升的。

個人認為，特色係，＃傳統名校：自主性要強，學習係以"自身"主動出發，學多學少由自己話事，就如同只見到書本的主目錄般，仔細內容需要學生主動去找並且自行填入，因為傳統名校會""跳大大步""地教，有少少似半個大學生咁自己搵資料加深了解；＃地區名校：跟從性要強，學習係以"學校"主導出發，只要孩子配合做妥任務，成績不會差得去邊樹，即是話，那份自主性去咗學校樹，由學校為你打點打點，你跟從便可以了，""跳小步""地教是與傳統名校分別明顯大的地方，學多學少也是由自己話事，但兩者的角度完全不相同，因為這本書不單單只有書目，已預先有的內容豐富得多了，孩子學習會多ＤＤ""指引性""。

cafeva

YmOra 發表於 20-12-13 09:20
若然成績屬中下游不一定係差，最重要係無跌出該傳統名校的入Ｕ百份比之外，就可以証明孩子仍然適合讀。如 ...

真的嗎？有目錄而無內容實在太恐怖了😱

mcl203

傳統中學近乎各有風格，亦有程度上嘅分別，係咪將佢哋歸一化咗？～～～

YmOra

cafeva 發表於 20-12-13 09:32
真的嗎？有目錄而無內容實在太恐怖了😱

不走極端，仔細ＤＤ嘅內容需要學生"主動"ＤＤ去找。响補習社見到的現像，傳統與地區名校學生的比較明顯的分別。

cafeva

YmOra 發表於 20-12-13 09:40
不走極端，仔細ＤＤ嘅內容需要學生"主動"ＤＤ去找。响補習社見到的現像，傳統與地區名校學生的比較明顯的 ...

咁D老师真係太懒了

triceramum

IloveJJ 發表於 20-12-13 07:39
跟住點？而家畢業了嗎？

讀緊八大hea科啦，因為情緒問題DSE發揮唔到佢嘅水準

b3410

YmOra 發表於 20-12-13 09:20
若然成績屬中下游不一定係差，最重要係無跌出該傳統名校的入Ｕ百份比之外，就可以証明孩子仍然適合讀。如 ...

你解釋的好清楚，真係要瞭解小朋友性格和學習方式。如果屬於乖，喜歡跟學校進度的，最好揀學校教的仔細，全部幫同學安排好，同學跟足就有好成績。

不過如果喜歡挑戰自己，自己主導學習進程，希望課堂內容多外展，多思考，就最好揀自主空間大的學校。

關鍵要適合自己程度，太深太淺，太快太慢都會覺得唔舒服，恰到好處最好。

所以話讀傳統學校有冇後悔的，一定有。不過如果當初冇揀，而去了其他學校，之後後悔的，應該也有啩。


關鍵在於錯配。

triceramum

sunnymama2 發表於 20-12-13 08:03
no offend, 入得神校都係叻女，點解唔識得調節自己的心態期望？佢唔係認為普通學校級頭一定＝神校級頭？
好 ...

我覺得佢社交麻麻再加搵唔到自信，又諗埋一邊，幾樣加埋先導致咁

emmyfok

傳統名校都有好多種喎！講功課多，皇仁、SPCS 功課都多，至於學習上嘅支援/鞭策，協恩都唔嘢少。反而強調自主學習嘅，我首先諗到嘅係地區 band 1 上智。